LEIKHÓPURINN LOTTA

Í ár fagnar Leikhópurinn Lotta 20 ára afmæli og í tilefni af því ætlum við að setja eitt af okkar uppáhalds ævintýrum aftur á svið út um allt land:

 

Söngleikinn Litaland ! 

​

Verkið er í nýjum búning að mörgu leyti - við erum bókstaflega með splúnkunýja og stórglæsilega búninga, við höfum samið ný lög og endurútsett eldri lögin og svo erum við á fullu að vinna að töfrandi sviðsetningu í öruggri leikstjórn Sigsteins Sigurbergssonar og Þórunnar Lárusdóttur. Já, þið lásuð rétt! Steini okkar, ásamt Þórunni, ætlar að leikstýra sýningu sumarsins í fyrsta skipti en hann hefur leikið í öllum sýningum Lottu frá upphafi.

​

Sýningin er um klukkustund að lengd og fer fram utandyra. Við hvetjum gesti til að klæða sig eftir veðri, taka með sér nesti, teppi og góðan ævintýraanda. Einnig er gott að hafa símann vel hlaðinn, því að sýningu lokinni gefst áhorfendum kostur á að taka mynd með sinni uppáhalds ævintýrapersónu.

Miðasalan fer fram á tix.is en einnig er hægt að kaupa miða á staðnum. Athugið að tix miða þarf að sýna í miðasölunni okkar á sýningarstað.

Miðaverð: 4900

Börn 2ja ára og yngri fá frítt á sýninguna.

Litaland - um allt land sumarið 2026!

 

Sýningaplan er í vinnslu!